Category Archives: MIZIK

BLOG, Enfliyansè, MIZIK

G-Lens: yon jèn Dj ki trè kreyatif k ap monte ak fòs nan HMI la

Nan mizik ayisyen an, gen anpil DJ ki fò, ki toujou kite tras yo chak kote yo al jwe. Youn nan yo se DJ G-Lens, ki te kòmanse nan djing an 2021, ak yon pasyon ki soti nan lanmou li pou mizik depi li te timoun.

Vrè non li se Teddy Andrew. Li grandi nan Kwadèboukè, e li fèt nan Site solèy nan dat 25 oktòb 2000. Anpil ayisyen k ap viv Repiblik Dominikèn gen yon lanmou espesyal pou DJ G-Lens, paske li toujou mete plezi nan chak pwogram li ap jwe. Si w vle fè yon bèl pwogram RD ki pou atire anpil moun, DJ GLens se yon bon chwa nan koze atire moun pou vin nan pwogram. Lè yo afiche li, li bay pwogram yo  yon lòt valè.

2021 se ane li te kòmanse jwe antanke DJ. Youn nan moun ki te enfliyanse li pou  antre nan domèn sa a se DJ Bullet, yon DJ ki gen anpil eksperyans. Men BMIXX se DJ li pran kòm modèl, paske li toujou ap inove, sa ki fè jounen jodi a, DJ GLens kapab kreye pwòp non pa l atravè bon pèfòmans li toujou bay nan tout aktivite li ale jwe yo.

Anpil atis ki p ap jwe ak yon band toujou bezwen prezans yon DJ pou akonpanye yo, pou fè prestasyon yo pi bèl. Nan ka sa a, DJ G-Lens se yon DJ eksepsyonèl ke anpil moun renmen, paske li gen anpil kapasite, bon sans ak anpil  pwofesyonalis lè li akonpaye ak atis yo sou sèn. Nan HMI la, gen anpil chantè ak chantez ki gen yon lanmou espesyal pou DJ G-Lens, depi yo ap jwe, yo toujou vle se li ki pou akonpanye yo. Atis tankou Djouly, Teddy Hashtag, Marc Rebel ak Pierre  Jean toujou fè lwanj kapasite epi pasyon.

MIXTAPE HOT SHOT 2024 BY DJ G-LENS by Dj_Glenshaiti

Daprè sa li di, ki fè  atis sa yo  toujou vle jwe avèk  li: “Se kapasite ak pasyon mwen ki fè anpil atis gen konfyans nan mwen. Yo konnen mwen toujou pare pou bay pi bon pèfòmans.”

Avèk ki atis nan HMI a ou afiche nan pwogram deja?

« Mwen afiche ak anpil atis enpòtan nan endistri a. Mwen abitye jwe ak Rutshelle, Fatima, Darline Desca, Charly Black, DJ Puffy, Tony Mix, Alan Cave, Oswald, Kreyol La, Baky, Teddy Hashtag, Maestro (T Ansysto), Pierre Jean, Charlin Bato, BMIxx, Afriken An, DJ Bullet, Manito Nation, elatriye. »

Ki pi gwo eksplwa ou fè deja nan DJing?

« Pi gwo eksplwa mwen nan DJing se lè mwen te jwe nan yon festival nan Croix des Bouquets devan plis pase 800 moun. Sa a te yon eksperyans enpòtan nan karyè mwen. Yon lòt gwo eksplwa se lè mwen te jwe nan Punta Cana devan plis pase 600 moun ansanm ak Tonymix . »

Ki pi gwo rèv ou?

« Pi gwo rèv mwen se pou HMI la vin pi rantab e pou plis atis gen opòtinite pou yo grandi nan endistri a. Mwen ta renmen wè plis ti gwoup yo jwenn chans yo epi fè siksè nan sa yo renmen. »

DJ GLens se youn nan jèn DJ ayisyen k ap  monte  avèk fòs nan endistri mizikal ayisyen an. Ak yon pasyon ki sòti depi lè l te timoun, li te itilize mizik kòm yon zouti pou kreye espas pou lòt moun pran plezi. Li se yon DJ ki toujou ap travay di pou l grandi plis nan domèn nan epi pote inovasyon nan melanje ritm ak melodi.

 

 

 

BLOG, MIZIK

Milot Joseph: Jèn Beatmaker ki pwodui anpil bèl mizik k ap fè nou danse ak kè kontan

Pami tout pwodiktè ak bitmekè ki pèmèt atis ayisyen yo sonnen byen nan mizik yo, nou jwenn Milot Joseph, yon jèn pwodiktè ki gen yon touch eksepsyonèl. Youn nan pwodiktè ou ka fè konfyans san rezèv, pou w  kreye yon mizik konplè ak yon  kalite remakab.

Milot fèt yon 12 septanm 1996, li grandi nan yon anviwònman kote mizik te toujou prezan. Li se yon jèn pwodiktè ak chantè, ki pote yon kontribisyon inik sou anpil bèl mizik ki ap soti nan HMI la. Kòm yon pwofesyonèl, li travay ak jèn Atis  epi sa ki deja byen etabli nan endistri a, sa ki fè travay li toujou fè gwo enpak.

Li kòmanse nan koze fè beat nan lane 2019,  depi lè sa a, anpil moun te kòmanse dekouvri gwo talan sa a. Milot travay avèk anpil atis popilè nan HMI la, e mizik li pwodui yo, fanatik yo toujou byen akeyi yo. Mizik  li pwodui yo se sa k ap fè moun danse, se sa k ap fè kè moun  kontan epi se sa k ap byen sonnen ak bèl  koral epi beat ki ladann yo.

Èske w te konnen li te fè koral nan mizik “Kriye” Kenny Haiti a ? Sa se jis yon egzanp nan bèl travay li nan mond mizik la. Li travay tou ak anpil lòt atis tankou Mebel Brun, D-Perfect, Franco Love, Steevy.A, Wid Music ak anpil lòt atis nan sektè evanjelik la. Li gen yon touch ekstraòdinè pou melanje diferan estil mizikal, sa ki fè mizik li yo toujou inik.

Milot pa sèlman yon pwodiktè, men se yon vizyonè. Li travay an kolaborasyon avèk Salil Lirah nan pwodiksyon li an, e ansanm yo kreye mizik ki rete nan memwa moun. Se li ki dèyè anpil bèl mizik ke anpil moun renmen nan HMI la.

Anpil fwa, nou tande mizik yo, nou renmen beat yo,  melodi a,  koral la, men nou pa toujou konnen kiyès ki fè tout sa yo. Li se youn nan moun sa yo ki fè mizik ayisyen an bèl ak tout pasyon li mete nan chak pwodiksyon li.

Milot ap kontinye travay di pou pote inovasyon nan sektè a. Se pou l kontinye travay sa a, pou pwodui mizik ki pote espwa, ki enfliyanse e ki konekte tout moun nan tout kwen peyi a. san dout  li se yon pwodiktè ki gen yon avni briyan devan li.

AKTYALITE, BLOG, MIZIK

Lavi Pòtoprens : Skant & Pitit Nago crient à tue-tête

Depuis un certain temps, le pays est confronté à une variété de cas de violence tels que le kidnapping, le viol, l’assassinat, etc. Ce fléau a eu des répercussions majeures dans le secteur musical haïtien. Les grands festivals et bals sont délocalisés vers les États-Unis et les difficultés de promotion sont parmi les défis auxquels sont confrontés les artistes qui demeurent en Haïti. En réalité, pour ces artistes qui ne sont pas encore arrivés dans un pays, où ils pourront montrer leur talent et gagner de l’argent, ils ne savent pas à qui se tourner. SKant & Pitit Nago, deux jeunes artistes en herbe, font part dans leur dernier opus intitulé “Lavi Pòtoprens” de leur mécontentement face à la souffrance de la population.

Skant, de son vrai nom Smorkendy Belizaire, est originaire de Jérémie et a débuté dans la musique en 2018 en interprétant certaines musiques de ses modèles. En 2022, Skant démarre officiellement sa carrière avec un morceau intitulé “Game Sansi”. Belizaire s’engage à chanter des musiques engagées pour contribuer au développement de notre société.

Quant à Pitit Nago, originaire de Port-au-Prince, répond au nom de John Stanley Marseille. Son travail consiste à promouvoir la culture haïtienne. C’est pour cela qu’il se fait surnommé Pitit Nago, un nom repéré dans le vodou haïtien. En prônant un changement radical pour la société haïtienne, il nous incite à prendre conscience de notre culpabilité.

La capitale haïtienne est celle où les actes de banditisme sont les plus répandus en raison de l’insécurité qui règne dans différentes villes du pays. SKant et Pitit Nago sont conscients des problèmes et décident de faire passer un message révoltant pour sauver le pays, en commençant par la capitale haïtienne.

La situation du pays est le sujet de ce texte musical qui dépeint une réalité douloureuse. Ce texte musical met en lumière les différents ras-le-bol de la population, incluant les personnes qui perdent leur vie quotidiennement, une jeunesse désorientée et l’insouciance de l’État. “Souf nou bouke, nanm nou bouke. Twòp san koule, twòp moun tonbe. Malgre n devwe, nou tou echwe se tout Pòtoprens k ap rele anmwey” Pitit Nago entame le refrain.

“Jèn yo pran move chimen, Ayiti pa gen vi fatra, dlo sal anyen p ap fonksyone. Nou pa wè klè, nou ap goumen antre nou, n ap vann vye imaj, n ap plede pati kite peyi a ale pase mizè nan lòt peyi, nou pèdi tout sans patriyotism nou bliye si n pa gen peyi derechanj fok nou sispann, fok Ayiti chanje fok nou viv alez” a poursuit Pitit Nago.

SKant explique que notre société opère de la même manière qu’une horloge qui affiche un compte à rebours. “Olye n pipre nou pi lwen tout limyè nou te genyen yo etèn sou nou. Chak grenn ayisyen ki jwenn on bous kal etidye nan yon lòt peyi nou di sa benefik men diplòm li di li p ap vin ayiti ankò. Yon rad blan ki detenn depi ap blaze se menmjan gen politisyen nou te kwè nan yo ki fè move wout la kounya yo vin blaze nou pa fè yo konfyans ankò” a-t-il chanté.

Malgré les épreuves que nous traversons, SKant et Pitit Nago nous encourage à faire preuve de patriotisme. Il est temps de mettre un terme à la guerre entre les fils et filles du pays. Il met en garde toutes les personnes qui pensent qu’elles ont d’autres pays. Notre seul patrie, c’est Haïti. Nous devons l’aimer et chercher à protéger notre souveraineté pour que chaque haïtien puisse se sentir bien dans son pays.

De nombreux artistes ont déjà exprimé leur préoccupation concernant la situation du pays, mais “Lavi Pòtoprens” est un message de plus qui sensibilise aux autorités haitienne et à la population de prendre conscience de leurs responsabilités. Les artistes vous garantissent que ce ne sera pas la dernière musique pour sensibiliser la population. Ils annoncent qu’il y aura d’autres projets à venir très prochainement.

 

BLOG, MIZIK

Full Technic Le kirikou: yon rapè ki konn jwe ak mo yo

John Erlens Petit-Homme, tout moun konnen sou non Full Technic le Kirikou, se yon rapè, chantè, lirisis epi eslamè ki fèt Pòtoprens, ki gen 30 lane. Li grandi ak tout sans ekriti a, depi l te tou piti li te konn jwe ak mo yo, e se sa k fè jodi a li se yon mastè nan koze ekri.

Full Technic le Kirikou, anpil moun te vle konnen kisa non sa vle di, ebyen men sa atis la di nou sou non an: “Non sa gen anpil sans pou mwen. Yo te konn rele m Kirikou poutèt mwen te kout anpil. Lè m analize, mwen wè Kirikou se yon pèsonaj ki entèlijan, ki gen anpil teknik ak kouraj. Se konsa mwen chwazi non Full-Technic le Kirikou, pou montre fòs ak teknik mwen nan rap ak nan lavi.”

Atis la ap fè mizik depi yon bon bout tan, li te pase nan yon gwoup ki te rele “VNP Crew,” se la li te fè premye eksperyans li, epi li ta pral soti plizyè lòt mizik poukont li. Grenn mizik ki ta pral fè anpil moun konnen atis la, se yon mizik ki te rele “571 mo nan on minit.” Si n ka suiv byen sou rezo a, tout gwo rapè ki fò yo konnen Full Technic se yon jeni nan koze ekri mizik.

Travay atis la te tèlman fè enpak sou anpil moun, youn nan pi gwo pwodiktè/bitmekè nan rap kreyòl la, ki se Fred Hype, te vle travay avè l paske atis la te vrèman rive sou li. Men sa pa t gentan rive fèt.

Full Technic pa sèlman yon rapè, li pale tou de lòt talan li genyen: “Apa de rap, mwen gen kapasite pou ekri ak konpoze mizik nan plizyè lòt estil. Mwen ka kreye tèks ki pwofon, fè bèl melodi epi fè aranjman mizik pou lòt atis. Mwen se yon lirisis ki konn jwe ak mo pou eksprime emosyon nan plizyè fòm. Anplis, mwen gen talan pou rakonte istwa (storytelling), sa vle di mwen ka fè mizik mwen rakonte bagay ki touche kè moun epi konekte ak yo. Sa fè m wè tèt mwen pa sèlman kòm yon rapè, men kòm yon atis konplè.”

Atis la poko soti albòm ak EP, men li gen 19 mizik li soti deja ak mizik lòt atis li kolabore tou. Li gen yon EP k ap kuit nan estidyo ki pa lwen soti, li ban nou randevou pou mwa k ap vini.

 

BLOG, MIZIK

Dr. Steeve fè yon melanj ant talan l ak konesans li pou l fasilite n konnen pi byen jagon medikal yo ak son epi pwezi

Dr. Steeve se yon rapè, powèt epi ekriven ki etidye medsin. Depi kèk ane, Doktè Steeve pa sispann itilize mizik pou aprann moun anpil bagay yo pa t konnen nan domèn medsin. Travay Dòk la se yon enpòtans kle, paske anpil timoun ki nan lekòl klasik, oswa ki apèn ap antre nan medsin, itilize mizik Doktè Steeve yo pou aprann pi vit. Nou te bezwen yon modèl atis konsa depi lontan pou mete kèk bagay ke nou ta dwe etidye lekòl nan mizik. Se travay sa a Doktè Steeve ap fè, li melanje rap ak sa l ap aprann nan domèn medsin, sa ki fè l 2 fwa pi fò nan sektè sa a.

Bon non li se Steevenson Baptiste, li fèt yon 7 Desanm 1998 nan vil Jeremi. Li se yon rapè epi li etidye medsin nan inivèsite Saint-François d’Assise. Li kòmanse nan Koze mizik nan lane 2013 kote li te pibliye 2 mizik, youn ki se pran pasyans lòt la ki se Destination de Jérémie youn nan mizik ki te fè anpil bri nan zòn kote l soti.

Nan Lane 2021, li ta pral soti Le corps humain se mizik sila ki ta pral fè anpil moun dekouvri kokennchenn talan sa. Mizik sa a pale de diferan pati nan kò yon moun, e li se youn nan mizik jèn ki nan medsin yo tande anpil, paske li ede yo aprann pi fasil. Yon mizik ki pwodui pa BIC.

22 Me 2024 li te mete deyò yon nouvo mizik ak tout videyo an kolaborasyon avèk Michel Cinthia, yon bèl chantez. Mizik sa a pale de gwosès e li pote yon mesaj sou atansyon ak prekosyon pou fanm ansent pran, anvan, pandan ak apre gwosès.

Lè nou pale de kout plim, Doktè Steeve se youn nan rapè ki ekri byen. Lè l ap ekri, li pa fè rim fasil ki pa itil. Chak grenn ba li fè nan mizik li yo gen anpil sans. Se nòmal pou l konsa paske l jwenn benediksyon BIC depi nan premye mizik li, ki te jwe wòl pwofesè. E nou tout konnen ke BIC se yon atis trè egzijan ki renmen pèfeksyon.

Dr. Steeve se youn nan atis nou dwe bay anpil enpòtans pou n envite jèn yo tande plis, paske mizik li yo itil anpil pou sosyete a.
Li gen yon pwojè ke l ap prepare ki pa lwen soti.

AKTYALITE, BLOG, MIZIK

Titi Congo yon atis ki chante mizik ki gen nanm

Steevens Dormil, anpil moun konnen sou non sèn Titi Congo se yon chantè epi konpozitè. Li leve nan yon fanmi kote mizik te toujou prezan, e se youn nan rezon ki fè yo te ba li prenon sa a ki se Steevens, yon non ki soti nan Stevie Wonder. Se te yon jenerasyon ki renmen mizik anpil, e sa te kontribye anpil nan fòmasyon atis la.

Kòm anpil lòt atis, Titi Congo te kòmanse chante nan legliz kote li te patisipe nan plizyè koral. Lè li te fè premye pèfòmans solo li, sa te fèt nan yon ti fèt ke klas li t ap òganize, kote li te chante yon mizik Wanito ki rele “Banm Parenn”. Se depi lè sa li te kòmanse pran chante plis o serye lè li te wè jan elèv yo te enpresyone.

Karyè pwofesyonèl Titi Congo te kòmanse nan lane 2012 lè li te fòme premye gwoup mizikal li, ki te pote non “Masters”. Apre sa, li te pase nan de lòt gwoup ankò, ki se “Amazone” ak “Ekilib”. Li te lanse karyè solo li nan lane 2018, e depi lè sa, li te kòmanse jwe nan anpil gwo evènman.

Kòman anpil moun te dekouvri l?

Titi Congo te lanse premye albòm li, “Transcendance”, ki te pèmèt anpil moun dekouvri l. Nan albòm sa a, li te gen 2 mizik ki te vin trè popilè, “J’ai trouvé ma reine” ak “Veye m avè yo”.

Nan fen ane 2024 ki sot pase a, atis la te lanse dezyèm albòm li ki se Nou Djougan, ki te soti premye novanm. Albòm espirityèl, li gen kat gwo atis nan HMI ki kolabore avèk li, li gen  Reginald Cange, BIC Tizon Dife, Belo ak Kebert Bastien. Sa a montre yon chanjman nan direksyon mizikal Titi Congo, kote li ap pwoche plis ak rasin mizikal li yo.

Nou jwenn nan albòm sa a yon melanj de mizik rasin ak mizik elektwonik, ki se Racitronix yon nouvo konsèp Titi Congo kreye epi pote sou nouvo albòm Nou Djougan an. Konsèp sa a montre yon melanj ant mizik tradisyonèl ayisyen an rasin  ak son modèn, ki fè l sonnen byen epi inik.

Men diferan pwodiktè ki travay sou pwojè sa : Mackendy Marcelain, Walky Pierre, Baby Auguste, RJ Beat, Nathanaël Cineus ak Angello Lizius. Se ansanm pwodiktè sa yo ki te ede fè konsèp Racitronix la sonnen byen nan zòrèy nou.

Titi Congo se yon atis ki gen anpil potansyèl e li enpòtan nan HMI la. Li toujou ap mete sou pye nouvo inisyativ mizikal ki fè l distenge tèt li nan endistri a.

AKTYALITE, BLOG, MIZIK

TOU O ZANTIY YON NOUVO EP KRESH ANONSE POU AVRIL 2025

Tou O zantiy yon nouvo EP Kresh Prevwa soti nan mwa avril 2025 ki ap gen sou li 6 mizik, plis yon bonis track.
Dancehall music ak sonorite modèn se estil sa yo ki ap domine sou EP sa. Mizik yo prezante yon melanj de estil ki enspire pa mouvman Dancehall pandan y ap entegre yon son ki nouvo, sa ki fè mizik yo pral plis atire jèn ki nan ven ak trantèn yo.

Kresh chwazi non Tou O Zantiy a paske li gen anpil siyifikasyon. Pou li sa reprezante yon angajman nan defann kilti ayisyen an, franse ak karayibeyen an nan tout aspè, espesyalman lè li pale de Kreyòl. Kresh vle defann lang lan atravè Dancehall, e li kwè ke sa a se yon fason pou pote enèji pozitif nan peyi Dayiti epi fè Dancehall ayisyen an fè plis bri entènasyonalman. Li konsidere Tou O Zantiy kòm yon batay pou sa k ap viv nan vilaj yo, moun ki pa gen aksè fasil nan kapital la, men ki renmen Dancehall e ki sèvi ak li pou bay fòs.

Mesaj Kresh vle bay atravè EP sa se lanmou, koneksyon ant moun e pou bay lavi bon enèji. Li vle mete aksan sou lanati, lanmou moun ak moun, e defann koz sa ki pi  fèb yo, espesyalman pou bay black women yo lanmou ak sipò yo merite. Kresh ajoute yon ti touche espesyal, “Tell ’em seh waguann ti mal,” pou bay yon vibe pozitif nan mizik li yo.

Kresh kolabore ak anpil jèn talan nan EP sa, ki sòti nan Dancehall Family. Nou ap jwenn Chosen, Leidea, Myster-Z Greatman, Pitit Madanm nan, MCM, ak Tito Beatz. EP a benefisye de travay plizyè moun. Kòm grafis DJBest se te yon moun ki pote kontribisyon enpòtan nan aspè vizyèl la, pandan François Laurentz Vhansky, Badjo Clermont ak Bouzi Tcherry Snerlin (Kresh) te jwe yon wòl enpòtan nan direksyon atistik la. Li  gen plizyè pwodiktè ki travay sou li, tankou:

– Tito Beatz
– Chosen
– BF
– Dhavaldy
– Horby
– Polo Guitar 

Ki mizik ou pi rennmen sou EP a ?

Kresh pataje ke chak mizik sou EP a gen yon enèji inik e se yon bagay ki touche l nan diferan fason. Li di:

– “Bonjou Soley” se mizik ki soti nan kè li, li konsidere l kòm nanm li, paske mizik sa a ap pote limyè e se yon envitasyon pou chanje peyi a.
– “Single Mada” se yon mizik ki rakonte istwa yon manman ki ap leve pitit san papa, yon mesaj pou defann fanmi monoparantal, ki gen pwoblèm yo.
– “Lejand” se yon lòt mizik kote Kresh onore moun k ap bay fòs, li salye lidegid yo ak karaktè yo ki kontinye enspire li sou wout li.

Majorite nan tèks yo se li menm ki ekri yo epi l jwenn sipò Mister9 ak kèk lòt atis sa ki montre angajman li nan pwojè a e kijan li santi sa li ap kreye.

Pwodiksyon EP a pa t pran twòp tan nan studio, paske li te deja planifye l pandan l ap travay sou pwojè album Mouin Ev3’w ki ta pral sòti nan Oktòb 2024. Li ajoute ke travay sou EP a te fèt pandan yon pwosesis ki pi detaye ki gen ladan analiz ak estrikti byen defini. Sa te pèmèt li kreye yon pwojè ki byen balanse anvan l lanse Tou O Zantiy.

Èske li te fasil ou difisi l pou w pwodui chak grenn mizik ?

Kresh konfime ke pwodiksyon an te fasil anpil paske li te konn sa l ap fè e li te gen yon ekip ki te pote enèji pozitif. Sepandan, li mansyone ke anpil difikilte ap vini nan lavi yon atis. Gen moman lè atis yo fè fas ak soufrans ak difikilte finansye, epi Kresh pataje eksperyans li sou sa, sou kijan li te nan moman difisil kote li menm te oblije viv nan kondisyon ki pa t fasil. Li remèsye tout moun ki te ede l atravè vwayaj sa a e li priye pou yo.

Avèk anpil pasyon, travay di ak lanmou, Tou O Zantiy rive fèt. EP sa a se pral yon nouvo etap nan karyè Kresh ki pral  pote nouvo vayb nan mizik Dancehall la. Li anonse l pou mwa Avril k ap vini la rete branche.

 

 

 

BLOG, MIZIK

MORGAN BEAT JÈN PWODIKTÈ KI PWODUI DÈNYE HIT FANTOM NAN SA W KO WÈ

MorganBeat, yon non ki kòmanse jwenn anpil popilarite nan HMI la nan sa ki gen rapò ak pwodiksyon mizik. Vrè non li se Marvens Pouloute, Li soti Pòtoprens, li gen 35 lane, Li se yon desinatè epi li Se yon achitèk.

MorganBeat kòmanse nan Koze fè beat nan Lane 2010. Sa vle di li gen plis pase 10 lane nan endistri mizik la depi ap pwodui, li gen anpil eksperyans nan sa li ap fè a. Li travay avèk anpil Jèn Talan, Men se aprè l fin pwodui yon kokennchen mizik pou Fantom ki fè anpil moun dekouvri l.

Kijan li rankontre ak Fantom?MorganBeat te fè premye rankont li ak Fantom pandan yon festival rap ki te fèt nan Sendomeng an 2022. Se apre festival sa a ke Mad-S te mennen l nan Studio Tapajè Record la, kote yo te kòmanse kolabore sou albòm Yo Hype la. Se te yon moman kle nan karyè li, paske li te gen opòtinite pou l te kontribye nan yon pwojè ki te atire anpil atansyon. Fantom tèlman renmen touch Morgan aprè l fin pwodui gwo Hit sa ki se Sa w ko wè ak diferan bèl enstrimantal sou Albòm Yo Hype la ak Albòm Tololo a.

Fantom te menm deklare aprè Zaktouch ki se yon Beatmaker li te renmem anpil, ki te pwodui plizyè hit pou li, Morgan se beatmaker ki fè l pi byen.

Lè MorganBeat te tande ke youn nan beat li te pwodui tounen yon hit, li te santi l fyè anpil. Li pataje ke li pa t sezi paske depi nan estidyo a, li te santi gen yon bagay espesyal nan mizik la. Li konnen li gen lòt pwodwi l ki mache tou deja, men li te toujou swete pou travay li yo touche plis moun.

Pandan ke MorganBeat se yon pwodiktè mizik ak yon beatmaker, li pa sèlman limite nan sa. Li te ajoute ke li gen yon lòt pasyon ki se desen. Li se yon achitèk de pwofesyon, yon aspè ki montre kapasite li pou l kreye nan diferan domèn.

Ki pi gwo rèv Morgan ?

Pi gwo rèv li, li te eksplike ke li deja ap viv rèv li kòm yon pwodiktè mizik. Sepandan, li toujou ap travay pou l vin youn nan pi gwo pwodiktè yo. Li swete atenn yon nivo kote tout moun nan endistri a ap tande travay li epi fè yon gwo enpak nan mond mizik la.

Pami tout estil beat li konn fè, MorganBeat pi alèz nan Hip-Hop. Se nan estil sa li santi l pi konfòtab e li ka eksprime tout kreyativite li. Li se yon jèn nan pwodiksyon mizik Ayisyen an, li ap kontinye kreye son ki inik ki ka konekte l ak jenerasyon jodi a.

 

 

BLOG, MIZIK

RV LAUTURE YON MIZISYEN PWOFESYONÈL KI GEN ANPIL LANMOU POU KILTI LAKAY LI

RV Lauture se yon chantè, konpozitè epi bitmekè ki soti Jakmèl. Li etidye mizik nan ENARTS e li se tou yon aranjè ak yon pwofesè mizik.

Li se yon mizisyen pwofesyonèl ki gen anpil eksperyans nan mond mizik la. Li te soti premye mizik li nan lane 2017, ki te rele Où vas le monde. Nan menm ane a, li te lanse yon lòt mizik ki te rele Balonnen, yon kolaborasyon avèk youn nan gwo atis Rasin yo, Samba Zao epi Teaga.

Mizik ki ta pral fè anpil moun dekouvri RV Lauture se te yon kanaval ki soti nan lane 2019, ki te rele Vanyan. Kanaval sa a te fè pati Platfòm Plezi Kanaval la. Genyen lòt moun ki ta pral dekouvri l atravè yon cover’li te fè sou yon mizik Youssoupha, ke li te rele Vodou Gospel.

 

 

Toujou nan ane 2019, li te lage yon lòt mizik ki rele Bwakayiman, yon kolaborasyon ak yon lòt gwo atis, ki se Steeve Valcourt.

Atis la te soti plizyè lòt bèl single ki deja disponib sou tout platfòm streaming yo. Nou envite w al tande atis sa a epi konsome mizik li yo, paske yo ap nouri nanm ou.

RV Lauture chante plizyè estil mizik, men Rasin se sa li santi l pi alèz ladan l. Mizik li yo gen nanm, yo fè nou pi pwòch kilti nou, yo fè nou santi n fò. RV kontinye ap travay san kanpe e li se youn nan moun ki enpòtan anpil pou peyi a.

 

 

BLOG, MIZIK

HERBY FL PA JANM SISPANN CHAME MELOMÀN YO AK BÈL MELODI

Herby Fontal, ke anpil moun konnen sou non Herby FL, se yon chantè, pwodiktè epi videyomekè ki soti nan Pòtoprens. Li gen 26 lane e li ap chante depi li tou piti.

Herby se yon jèn atis ki gen anpil talan. Li fè anpil bèl mizik lanmou ki fè gwo enpak pozitif sou jèn yo. Lè li ap chante, ou ta ka kwè se li menm ki kreye Koze chante a, paske li fè li avèk jistès epi li pote bèl melodi. Jèn medam sou TikTok yo pa negosye Herby FL paske yo santi se de reyalite yo li ap pale nan chak mizik li soti.

Atis la ap chante pwofesyonèlman depi 2013. Jiska kounye a, li deja soti 5 mizik, ladan yo anpil ki te vin trè viral sou TikTok. Youn nan mizik ki te pèmèt anpil moun dekouvri jèn atis sa a se Promise. Mizik sa a te fè anpil moun tonbe damou atis la, e sou TikTok  anpil moun te fè anpil challenge sou li. Promise te rive jwenn plis pase yon milyon moun ki gade l sou YouTube.

 

 

Aprè gwo siksè sa a, Herby te lage yon lòt mizik ki rele M ap toujou love ou. Kèk mwa apre, li te fè yon kokennchenn kolaborasyon avèk Salil Lira ki te gen pou tit Ala bèl. Mizik sa a fè anpil fanatik kontan paske li gen yon bèl melodi e li trè apresye. Apre sa, li te soti yon lòt mizik nan ane 2023, kise Pran ti kè m . li te chante l ansanm ak Ansito.

Pou ane 2024 la, nan mwa Septanm, li te lanse yon nouvo mizik an kolaborasyon ak Teddy Hashtagg ki rele M jalou. Nan mizik sa a, tou 2 atis yo pa neglije depoze vokal yo avèk bèl melodi ki soti nan kè yo.

Herby pa sèlman yon chantè, men li se yon videyomekè tou. Li ekri fim epi li travay ak lòt atis kòm pwodiktè. Li se yon atis ki gen anpil potansyèl, e li kontinye ap kreye bèl mizik pou jèn yo.