Tag Archives: Rapè

BLOG, MIZIK

Sun Peter Tracka yon jèn Rapè ki trè talantye

Nan jenerasyon sa a, gen anpil jèn atis ki chaje ak talan, ki pote touch pa yo ak vwa yo sou anpil bèl mizik, san nou menm pa konnen se yo ki fè yo.Pami atis sa yo, m ap prezante nou Sun Peter Tracka, ki se yon jèn ki ap milite nan biznis mizik la depi kèk ane. Li abitye kolabore ak plizyè atis ki deja gen non nan HMI la, tankou Colmix ak Fantom, pou n site sa yo sèlman. Li deja mete deyò yon pakèt bèl mizik, san konte lòt jèn atis li bay kout men nan mizik pa yo. 

Vrè non li se Prospere Peterson.
Li fèt 29 jiyè 1997 nan komin Hinche, ki chita nan depatman Sant. Se nan lane 2013 li kòmanse chante ak rape, e depi lè sa a, li pa janm sispann pwodui bèl mizik.
Mizik ki ta pral pèmèt anpil moun dekouvri talan li se yon mizik ki rele “Pa Bat Kòw“.  yon mizik konsyans, ladann  li te pote anpil bèl mesaj pou  jèn  yo.

Sun Peter te fè tout etid klasik li Ayiti : depi nan preskolè jouk rive nan 6èm ane fondamantal nan Prebytéral, epi li kontinye nan Lise pou etid segondè, soti nan 7èm ane fondamantal pou rive nan filo. Li di li pa janm pouswiv okenn lòt pwofesyon : mizik se sèl chimen li chwazi, e li angaje tèt li ladan l pou lavi.

Travay Mizikal ak Pwodiksyon

Jiska prezan, Tracka gen 40 mizik nan karyè li, ki gen ladan 34 mizik solo, 6 kanaval, san konte kolaborasyon ak lòt atis. Li deja mete deyò 2 mixtape : Tou Gòl ak Immortel.  Sa montre n ke atis la pwodui anpil epi li Gen on repètwa ki rich anpil.

Kijan Koneksyon li ak Colmix epi Fantom Te rive  Fèt ?

Relasyon li ak Colmix te kòmanse pandan li t al fè yon kanaval nan Rooga Recordz  Colmix te renmen vayb li, epi Li te mete yon mizik sou yon mixtape  ko rele Rap Kreyòl Vibe, e se la koneksyon an te fèt. Yo te travay sou plizyè pwojè ansanm, sa ki te fè yo devlope yon bèl amitye.

Avèk Fantom, koneksyon an te fèt pandan Sun Peter t ap jwe nan yon pwogram kote Fantom te prezan. Fantom te remake talan li, e sa te mennen yo travay ansanm sou Mixtape Immortel la. Fantom te tou patisipe nan yon mizik li ki rele “Men Sak Hip Hop“. Se sa ki vin kreye lyen amikal ak mizikal ki genyen ant 2 Atis yo jodi a.

Sun Peter Tracka prezante tèt li kòm yon atis otantik, ki soti ak pwòp vizyon pa li. Se sa k fè fanatik yo vrèman apresye l. Malgre li pa twò jwe sou sèn rap la, li toujou ap pwodui mizik san kanpe. Li se yon atis ki trè talantye e ki kwè nan travay di.

Malgre tout efò li, li fè remake ke li, li pa jwenn ase sipò nan men medya ak blogè yo, men sa pa anpeche li kontinye pouse, mete vwa l deyò, e grandi chak jou.

Sun Peter Tracka, sou bon wout la, epi li pa gen entansyon lage.

 

AKTYALITE, MIZIK

B-Art Etènèl Powèt : Un retour musical après une longue pause

Widly Barthélemy, connu sous le nom de scène B-Art Etènèl Powèt, n’est pas un nouveau venu dans le rap haïtien. Né le 6 janvier 1991 à Anse-à-Veau et ayant grandi à Martissant, il s’est lancé dans la musique en 2011, poussé par son amour pour la poésie plus que par l’influence d’un artiste en particulier. Avec plusieurs morceaux à son actif, que ce soit en solo ou en featuring, il a su affiner son style et construire son identité artistique.

Un long silence avant un retour attendu

Ces dernières années, Widly s’est fait discret sur la scène musicale. Son dernier titre marque donc un tournant, même s’il ne souhaite pas encore annoncer officiellement un album ou un EP : “Ce morceau annonce plusieurs choses, mais je préfère ne pas faire de promesses. Les opportunités viendront en temps voulu.”

Un éloignement qui a ralenti la production

En octobre 2023, Widly quitte Haïti pour le Mexique avant de rejoindre les États-Unis. Ce changement de vie a inévitablement eu un impact sur sa musique. “J’ai dû mettre la musique en pause pour me concentrer sur mon installation et prendre le temps de structurer mon projet. J’ai choisi d’être patient pour mieux me construire.”

« Fèy Blanch » Un titre qui envoie un message

Le choix du titre de son dernier morceau reflète une réflexion sur l’attente et la critique. “C’est un message pour ceux qui manquent de patience. Avec le temps, ils comprendront et corrigeront leurs jugements.”

Ce retour marque une nouvelle étape pour Widly Barthélemy, connu sous le nom de scène B-Art Etènèl Powèt, qui semble prêt à relancer sa carrière avec des projets plus structurés et une vision plus claire de son avenir musical.

 

 

BLOG, MIZIK

Full Technic Le kirikou: yon rapè ki konn jwe ak mo yo

John Erlens Petit-Homme, tout moun konnen sou non Full Technic le Kirikou, se yon rapè, chantè, lirisis epi eslamè ki fèt Pòtoprens, ki gen 30 lane. Li grandi ak tout sans ekriti a, depi l te tou piti li te konn jwe ak mo yo, e se sa k fè jodi a li se yon mastè nan koze ekri.

Full Technic le Kirikou, anpil moun te vle konnen kisa non sa vle di, ebyen men sa atis la di nou sou non an: “Non sa gen anpil sans pou mwen. Yo te konn rele m Kirikou poutèt mwen te kout anpil. Lè m analize, mwen wè Kirikou se yon pèsonaj ki entèlijan, ki gen anpil teknik ak kouraj. Se konsa mwen chwazi non Full-Technic le Kirikou, pou montre fòs ak teknik mwen nan rap ak nan lavi.”

Atis la ap fè mizik depi yon bon bout tan, li te pase nan yon gwoup ki te rele “VNP Crew,” se la li te fè premye eksperyans li, epi li ta pral soti plizyè lòt mizik poukont li. Grenn mizik ki ta pral fè anpil moun konnen atis la, se yon mizik ki te rele “571 mo nan on minit.” Si n ka suiv byen sou rezo a, tout gwo rapè ki fò yo konnen Full Technic se yon jeni nan koze ekri mizik.

Travay atis la te tèlman fè enpak sou anpil moun, youn nan pi gwo pwodiktè/bitmekè nan rap kreyòl la, ki se Fred Hype, te vle travay avè l paske atis la te vrèman rive sou li. Men sa pa t gentan rive fèt.

Full Technic pa sèlman yon rapè, li pale tou de lòt talan li genyen: “Apa de rap, mwen gen kapasite pou ekri ak konpoze mizik nan plizyè lòt estil. Mwen ka kreye tèks ki pwofon, fè bèl melodi epi fè aranjman mizik pou lòt atis. Mwen se yon lirisis ki konn jwe ak mo pou eksprime emosyon nan plizyè fòm. Anplis, mwen gen talan pou rakonte istwa (storytelling), sa vle di mwen ka fè mizik mwen rakonte bagay ki touche kè moun epi konekte ak yo. Sa fè m wè tèt mwen pa sèlman kòm yon rapè, men kòm yon atis konplè.”

Atis la poko soti albòm ak EP, men li gen 19 mizik li soti deja ak mizik lòt atis li kolabore tou. Li gen yon EP k ap kuit nan estidyo ki pa lwen soti, li ban nou randevou pou mwa k ap vini.